વાર્તા - ગરમાળો ગુલમહોર અને ખખડેલું બસસ્ટોપ

વાર્તા - ગરમાળો ગુલમહોર અને ખખડેલું બસસ્ટોપ
આપણે બધા દરેક સંબંધોમાં એક પરિણામની આશા લઈને બેઠા હોઈએ છીએ..જ્યાં સુધી કોઈ સંબંધની ફલશ્રુતિ પ્રાપ્ત ન થાય ત્યાં સુધી એક ટળવટાળ સતત આપણી અંદર ઘુમરાતો રહે છે. આપણી વાતોમાં કહેવાઈ ચુકેલી વાતો કરતાં નહીં બોલાયેલી વાતોની ગુંગળામણ વધારે હોય છે.
આ વાર્તાની નાયિકાના એમના પરણિત બોસ સાથે સંબંધ છે. બોસને એની પત્ની સાથે નથી બનતું એ વાતની જાણ નાયિકાને છે જ. પરંતુ ધીમે ધીમે નાયિકાની ઉંમર વધે એમ સફેદ વાળને સંતાડતી નાયિકા પોતાના સંબંધને હવે છૂપાવવા નથી માગતી. નાયિકાના ઘરની બહાર એક ખખડેલું કટાયેલું કાળા પડી ગયેલું બસસ્ટોપ છે અને એ બસસ્ટોપને અડીને ગુલમહોર ખીલેલો છે. રોડના સામા છેડે પાંજરામાં ગરમાળો ઉગેલો છે. નાયિકા ગરમાળો, ગુલમહોર અને બસસ્ટોપમાં પોતાના સંબંધને જોતી હોય છે. બોસની એકદમ નજીક આવીને પણ એક અજંપો અને અંદરથી ઘેરી વળેલો છે. બોસના ઘરમાં નાના મોટા ચેન્જીસ કરીને પણ પોતાના અસ્તિત્વની હાજરી પૂરાવવા મથતી રહે છે. બોસની પત્નીને એ જ્યારે જ્યારે જુએ ત્યારે કોઈક ખીણમાં ફસાયેલી હોવાનું અનુભવ્યા કરે છે. દરેક પરિસ્થિતિથી ભાગતી અને તો પણ એ પરિસ્થિતિના ન હોવા પર બેચેન બની જતી નાયિકા કશુક થવાની આશાએ ગુંગળાયા કરે છે. દિવાલને ટેકો દઈ ઓછાડથી શરીર ઢાંકીને એ સીગારેટના ધૂમાડા કાઢતા બોસને જોયા કરે છે અને સીગારેટના ધુમાડામાં પોતાના સંબંધોના આકાર શોઘ્યા કરે છે.
પ્રણય ત્રિકોણમાં ફસાયેલી કે આવી પડેલી બે સ્ત્રીઓનો પોતિકો મુંઝારો આ વાર્તામાં બતાવવાનો પ્રયાસ કર્યો છે.

'MAHOTU' is Available On Flip-kart
You can Get The Copy Of My Book From Flip-kart
http://www.flipkart.com/mahotu/p/itmefrsgqu2ryjen…
For This Photo
Editing & Design by Parth Rathod