વાર્તા - ઠેસ

વાર્તા - ઠેસ
જીવનનો એક એવો તબક્કો જ્યારે લાગે કે હવે બસ બધું ખતમ થઈ ગયું છે...હવે આગળ કશું જ થઈ શકે એમ નથી...પોતાના કહેવાતા બધા જ લોકો ખરા અર્થમાં ખુલ્લા પડી જાય અને એકલતા તમારી સામે દાંતિયા દેતી સંબંધોની નગ્ન મજાક કરતી તમારી સામે ઉભી રહી જાય છે...ત્યારે તરણું ય મળે તો તરી જવાય એવી હાલત હોય છે. આપણી આસપાસ રહેતા લોકોમાં આપણી હાજરી કેટલી અગત્યની એ વાત ક્યારેક સત્ય સાથે સામે આવીને ઉભી રહી જાય ત્યારે શ્વાસ લઈ શકવું એ સાહજિક ક્રિયામાં પણ તકલીફ થવા લાગે છે
આ વાર્તા આવી જ એક છોકરીની છે. પોતાના ઉંમરની બધી છોકરીઓ પરણી ચુકી છે પરંતુ નાયિકાના લગ્ન હજુ સુધી થઈ શક્યા નથી કેમકે નાયિકાનો પરિવાર દિકરી માટે મોટા રૂપિયાવાળા ઘરના માગાની રાહે છે...જો જમાઈ રૂપિયાવાળો મળે તો દિકરીની સાથોસાથ દીકરાઓની જીંદગી પણ બની જશે એ લોભે ડોશી દિકરીનું સગપણ કરતા નથી..ઉંમરના એક પડાવે નાયિકાને ભયંકર એકલતા ઘેરી વળે છે, હિંડોળાની ખાટે ઠેંસ લેતી લેતી પોતાના ભવિષ્યના સપનાઓ તડકાથી તપેલા નળિયાઓને જોઈ એ વિચારતી રહે છે. ઈમોશનલ જરૂરિયાતની સાથોસાથ શારીરિક જરૂરિયાત પણ જ્યારે ફૂંફાડા મારે છે ત્યારે નાયિકાની હાલત દયનીય થઈ જાય છે અને એ કોઈપણ રીતે શોધી લે છે પોતાનો રસ્તો..
સંબંધોમાંથી વિશ્વાસ ઉડી જાય એ પણ એ વાતને લઈને જ્યારે આપણને ખબર પડે તે સંબંધોમાં આપણી જરુરિયાત એ આપણા હોવાથી સામા પક્ષે કેટલો ફરક પડે છે એ વાતને લઈને હોય છે...નહીં કે આપણા અસ્તિત્વથી...આપણા સ્વભાવથી...આપણા પોત્તાના ઈમોશન નીડ પર...જીવનમાં કેટલાક વાસ્તવ ઢંકાઈ રહે એ બહું સારું છે કેમકે ખુલ્લા પડી ગયેલા ઘાવ પર રૂઝ કરતા ખણખોદની શક્યતા વધારે હોય છે !

'MAHOTU' is Available On Flip-kart
You can Get The Copy Of My Book From Flip-kart
http://www.flipkart.com/mahotu/p/itmefrsgqu2ryjen…
For This Photo
Editing & Design by Parth Rathod