વાર્તા - સારા દિ'

વાર્તા - સારા દિ'
ઈચ્છાઓની શાશ્વત પૂર્તિ ખરી...?? .ઈચ્છાઓનો કોઈ છેડો ખરો કે જેને પકડી શકા, કસકસાવીને પકડી શકાય અને એક ઝાટકે પોતાનાથી અલગ કરી દેવાય ! ઈચ્છાઓની કોરી આગ છાતીમાં ભડકે બળ્યા કરે ત્યાં સુધી સંઘર્ષ છે, કુદરત સાથે...દુનિયા સાથે...ખાસ તો પોતાની સાથે.! ક્યાંકને ક્યાંક આ ઈચ્છાઓનો ઉભરો માણસને જીવતો રાખે છે કેમકે સંતોષ હોય તો સંઘર્ષ ક્યાં ? ઈચ્છા જન્મથી લઈને મૃત્યુ સુધી આપણને દબોચી રાખે છે જીવવા માટે...નવી નવી ઈચ્છા સાથે નવી નવી આશાઓ જાગે છે અને એની પૂર્તિ માટે આપણે દોડતા રહીએ છીએ અને એ દોડ સાથે દરેક વખતે જન્મે છે સંઘર્ષ અને સંઘર્ષ સાથે ફરી નવી ઈચ્છા
આ વાર્તા એક એવી સ્ત્રીની છે જે પ્રેગનેન્ટ છે. પ્રેગનેન્સીનો એક સમયગાળો એવો હોય છે જ્યારે નવું નવું ખાવા માટેની એક તલપ માણસની અંદર ભડકે બળતી હોય છે. નાયિકા બહું જ મોટા સંયુક્ત પરિવારની એવી નાની વહું છે કે જેનો વર કશું પણ કમાતો નથી. પતિની જ્યારે સંયુક્ત પરિવારમાં કોઈ આવક ન હોય અને એ સ્ત્રી જ્યારે ગર્ભવતી બને અને નવું નવું સારું સારું ખાવાની ઈચ્છાઓ થાય તો પણ એ ઈચ્છાને મારીને જીવતું રહેવાનું એ આખી વાતમાં એક સંઘર્ષ છે. પોતાની ઈચ્છાઓને સંતોષવા નાયિકા જેટલા ફાંફાં મારે છે અને એ આખી પરિસ્થિતિમાં પોતાની હાલત પર ખુદ નાયિકાને દયા આવે છે.
બીજાની આંખોમાંથી ઉતરી જવાની આખી પરિસ્થિતિ જેટલી તકલીફ નથી આપતી એનાથી વધુ તકલીફ ત્યારે પડે છે જ્યારે આપણી આંખમાંથી આપણે પોતે ધીરે ધીરે ખવાતા જતા હોઈએ...! આપણી અંદરનો અવાજ જ્યારે આપણું અપમાન કરે ત્યારે અરીસામાં દેખાતું આપણું પ્રતિબિંબ પણ આપણને આંકરૂ લાગે છે. બીજાનો અસ્વીકાર તો સહી શકાય પણ સતત ચાલતો આપણી આત્માનો અસ્વીકાર આપણને થકવી દે છે!

'MAHOTU' is Available On Flip-kart & Pratham Books website
You can Get The Copy Of My Book From Flip-kart
http://www.flipkart.com/mahotu/p/itmefrsgqu2ryjen…
http://www.prathamgujaratibooks.com/book-details.aspx…
For This Photo
Editing & Design by Parth Rathod