વાર્તા - બાજુ

વાર્તા - બાજુ
કેટલીક વસ્તુઓ સાથે આપણા ઈમોશન્સ જોડાઈ જતાં હોય છે. મોટાભાગે એ વસ્તુઓની કિંમત કરતાં એ વસ્તુઓના હોવાપણા પર માણસ આધાર રાખતો થઈ જાય ત્યારે એ વસ્તુઓ એ વ્યક્તિ માટે મુઠી ઉંચેરી બની જતી હોય છે.
આ વાર્તા જીવી નામની એક છોકરીની છે જેને જોઈએ છે બાજુ. બાજુ એ સોનાનું એક એવું ઘરેણું છે જેને સૌરાષ્ટ્રમાં સ્ત્રીઓ જમણા કે ડાબા હાથે કોણીના ઉપરના ભાગે પહેરતી હોય છે. ચાર બહેનો અને ત્રણ ભાઈઓ સાથે વિઘવા બા સાથે નાનકડા ઘરમાં રહેતી હોય છે. જીવી સૌથી નાની અને હોંશિયાર છે. એના બાની પણ જીવી સૌથી વહાલી છે. વ્રત દરમિયાન બહેનપણીના હાથમાં બાજુ જુએ છે અને જીવી પોતાને બાજુ જોઈએ જ એવી રઢ લઈને બેસે છે. અહીંથી શરૂ થાય છે એક સ્ત્રીનો પોતાને જોઈતા ઘરેણા બાજુ માટેનો સંઘર્ષ. આ સંઘર્ષમાં જીવી પોતાની બાને વધારે સારી રીતે સમજતી થઈ જાય છે. સાસરિયેથી આવેલી મોટી બહેન બાજુ પહેરવા આપે છે અને એ બાજુ જીવી મેળામાં ખોઈ બેસે છે. એ પછી મોટી બહેનને પડેલી તકલીફોથી જીવી બાજુ માટે નિરસ થઈ જાય છે અને સતત એવા અપરાધભાવથી પીડાતી રહે છે કે એને કારણે જ મોટીબહેનને સાસરિયે કંઈકેટલુંય સાંભળવું પડ્યું હશે. છેક સાસરિયે જતી વખતે જીવી બાજુ જુએ છે અને એ પણ આજ સુધી એની બહેનપણીઓ અને બહેનોને આવેલા બાજુ કરતાંય ચડિયાતું. સાસરે આવીને પોતાના બાજુને રમાડતી જીવીનો બાજુ મેળવ્યા પછીનો સંઘર્ષ પણ અવિરત રહે છે અને બા પછી જીવી બાજુ થકી એનો વર વઘારે નજીકથી ઓળખાયો. એક નાનકડા ઘરેણા માટે વલખા મારતી નાયિકા જીવીને પોતાના ટળવળાટમાં સમાજ અને સંબંધોના ઘણા ચહેરા જોવા મળે છે
આપણી ઈચ્છાઓની પૂર્તિ માટે દોડી જતાં લોકોની કદર ખબર નહીં ક્યારે અને ક્યા તબક્કે થતી હોય છે. આપણને ખૂશ કરતા એ લોકોની ખૂશી મોડા તો મોડા પણ જ્યારે સમજાય ત્યારે વધાવવામાં મોડું ન જ કરવું જોઈએ

'MAHOTU' is Available On Flip-kart
You can Get The Copy Of My Book From Flip-kart
http://www.flipkart.com/mahotu/p/itmefrsgqu2ryjen…
For This Photo
Editing & Design by Parth Rathod
P.S - Shakti Sinh
Modeling by - Naina Dabhi